Robert Trevi\u00f1ok zuzenduko du Mahlerren \u20183. Sinfonia\u2019,\u00a0 Euskadiko Orkestraren Denboraldi berria \u2014bizi-esperientzien bidez mundua sortzen eta eraldatzen duen gizakia erdigunean jartzen duena\u2014 inauguratzeko lan ezin hobea. Bilboko Koral Elkarteko emakume- eta haur-abesbatzek eta Justina Gringyte mezzosopranoak jarriko diote ahotsa obra handi honi.\u00a0 Euskadiko Orkestrak Kontzertu Denboraldiari ekingo dio\u00a0Gustav Mahlerri eta haren\u00a0Hirugarren Sinfonia<\/em>ri oso-osoki eskainitako programa batekin,\u00a0Robert Trevi\u00f1o<\/strong>k zuzenduko duena, eta datozen egunotan ohiko lau hiriburuetan izango dena: ostiralean,\u00a0irailak 29<\/strong>,\u00a0Gasteizko Principal Antzokia<\/strong>n; larunbatean,\u00a0irailak 30<\/strong>,\u00a0Bilboko Euskalduna Jauregia<\/strong>n; astelehen eta asteazkenean,\u00a0urriak 2 eta 4<\/strong>,\u00a0Donostiako Kursaal Auditorium<\/strong>ean; eta asteartean,\u00a0urriak 4<\/strong>,\u00a0Iru\u00f1eko Baluarte Auditorium<\/strong>ean. Kontzertu guztiak\u00a019:30<\/strong>ean izango dira.<\/p>\n Gustav Mahler<\/strong>rek honako hau idatzi zuen bere\u00a03. Sinfonia<\/em><\/strong>ri buruz: \u201cImajina ezazu unibertso osoa islatzeko gaitasuna duen obra handi bat\u201d. Obra honekin\u00a0Robert Trevi\u00f1o<\/strong>k<\/strong>\u00a0beste urrats bat egin du bere helburuan: Mahlerren ziklo sinfonikoa zenbait denboralditan osatzea. Izan ere, bohemiarraren musika bere espezialitate bihurtu baitu azken urte hauetan Trevi\u00f1ok, bere orkestra ondoan duela. Konpositore guztien artean, Mahler izan zen musikaren botere eraldatzailea hobekien ulertu zuenetako bat, eta gizakiaren bizitzako ibilbidea eta haren etapak, nahiak eta kezkak islatzen dituzten sinfonia zabaletan gauzatu zuen. Trevi\u00f1oren hitzetan, Mahlerren sinfonia hau \u201ckonpositorearen lanik luzeena eta erromantizismoaren garaiko luzeenetakoa da. Sei mugimenduren bidez, Mahlerrek norbanakoaren eta taldearen erantzukizuna hartzera gonbidatzen gaitu, bizitza betierekotasuna balitz bezala bizi dezagun; materia fisikotik maitasunerako bidaia filosofikoa da, Nietzscheri eta gizakiari omenaldi argia eginez\u201d.<\/p>\n Bilboko Koral Elkarte<\/strong>ko ehun emakume eta haurrek bat egingo dute orkestrarekin Mahlerren\u00a0Hirugarrena<\/em>ri aurre egiteko. Obra honek koru labur baina zorrotza du emakumeen ahotsentzat, lau zatitan banatuta. Mahlerrek ahots-baliabide sorta bat zabaltzen du, hala nola muturreko tesiturak pianisimoan, erregistro eta bolumen aldaketa konstanteak, eta modulazio azkarrak. Emakumezkoen ahotsekin orekatu behar den haurren abesbatza bat ere badago, eta emaitza amaierako koru zirraragarri bat da, argiz eta alaitasunez betea, indarrez dardaratzen dena.<\/p>\n Nola tamainaz hala iraupenez itzela den\u00a0Hirugarren Sinfonia<\/em>k naturako indarrei, landareei, animaliei eta gizakiari egiten die kantu, eta horretan laguntzeko\u00a0Justina Gringyte<\/strong>\u00a0mezzosopranoa izango du ondoan Euskadiko Orkestrak. Lituaniarrak duela gutxi parte hartu zuen orkestraren Kontzertu Denboraldian, aldi hartan Mahlerren\u00a0Bigarrena<\/em>ren interpretazioan.<\/p>\n