Beheraldia 80ko hamarkadan gelditu zen. Cecilio Gerrikabeitia presidente berria eta Gorka Sierra zuzendariaren etorrerak oroimenetan makalduriko elkarteari behar zen suspergarria eman zion.

Etapa berri honetan, Koralak berreskuratu ditu nahiz ospea nahiz nazioarteko musika panoraman dagokion lekua.

1986ean mendeurrena Puerto Ricon bira arrakastatsu batekin ospatu zuten geroztik antzinako lorpenak pilatu dira berriro, maila goreneko orkestra eta izen handiko zuzendarien esku.

2007ko martxoaren 14an Iñaki Moreno Navarro jauna Bilboko Koral Elkarteko arte-zuzendaria izendatua izan zen. Ordura arte Koralaren Zuzendariordea eta Euskeria Abesbatzako Zuzendaria zen. Honela ehun urte baino gehiago daukan erakunde honek garai berri bati ekiten dio, azken hamarkadetan Gorka Sierraren zuzendaritzapean eskuratutako arrakastei eusteko ez ezik, berriak lortzeko ere asmoz.