Orkestrak

Koralaren Kontserbatorioaren erronkaren izaera pedagogikoak bertako orkestraren sorrera bultzatu zuen, talde lana gauzatzeko eta esperimentatzeko eremu gisa. Denboraren poderioz ideia zabaldu zen, eta bi orkestrako eta Banda bateko egitura finkatu zen.

Aureliano Valle Orkestra

Radu Hamzeak zuzentzen du, eta bertan txikienek ekiten diote taldeko tresna-jarduerari eta kontzertu txikiak emateari.
Oinarrizko mailetako hari-tresnetako ikasleek osatzen dute.

KIDEAK

Jesús Guridi Orkestra

Radu Hamzeak zuzentzen duen Jesus Guridi Orkestrak goi mailako ikasleekin egiten du lan, eta Koralaren abesbatzei askotan lagundu die, lan hau bakarreko kontzertuekin tartekatuta. 2001az geroztik ekimen berri batean dihardu: graduatuen kontzertuak ertaineko mailako azken ikasturteko ikasle bakarlariekin.

Burgosen, Errioxan, Kantabrian, Nafarroan, Bartzelonan, Sabadellen, eta "Otoño Musical Soriano" eta "Semana de Música Religiosa de Cuenca" jaialdi ospetsuetan hartu du parte. 1994, 1996 eta 1998 urteetan, Euskeria Abesbatzari lagundu zion Anjou eskualdeko (Frantzia) biran. 1995ean bakarreko bira egin zuen Alemaniako hegoaldeko hainbat hiritan zehar.

KIDEAK